Amir Temur shaxsiga bir nazar
Toshkent islom universiteti bitiruvchilari9 aprelda yurtimiz bo'ylab Amir Temur tavalludining 679 yilligi keng nishonlandi. Shu munosabat bilan biz “Sohibqiron” deya ulug’lanuvchi, buyuk davlat asoschisi, sarkarda va noyob fazilatu xislatlar egasi bo`lmish Amir Temur shaxsi haqida to`xtalib o`tamiz.
Keling, siz bilan o’tgan dunyo ahliga ma’lum va noma’lum bo’lgan Amir Temur shaxsiyatini yana bir karra kashf etaylik. Bunda biz asosiy manba sifatida, Amir Temur bilan uchrashish baxtiga muyassar bo’lgan va shu asosida o’zining 2 qismdan iborat “ Amir Temur tarixida taqdir ajoyibotlari” asarini yozgan arab tarixchisi Ibn Arabshoh fikrlarini, shuningdek, afrikalik tarixchi, jamiyatshunos olim Ibn Xaldunning Sohibqiron bilan bo’lgan suhbati asosida yaratilgan “Amir Temur va Ibn Xaldun”1 kitobigi lavhalarni ham ko’rib chiqamiz. Dastavval Ibn Arabshoh tasviridagi chizgilar: “U bexato fikrli, farosatli, ulug’vorligi, qat’iy so’zlovchi, boshiga kulfat tushganda ham haqgo’y kishi edi. U birovdan bir gap eshitganda dalil talab qiladigan, zimdan qarash va ko’z ishoralarini sezadigan idrokli kishi edi.” Dastlabki chizgilardan ko’rinib turibdiki, Sohibqiron o’ta sinchkov va sezgir, qolaversa, mamlakatida haqiqat va adolatni o’rnata olgan buyuk shaxslardan biri edi.